ئەگەرچی زۆر کەسان فێرکردن و دەرس گوتن وەکوو یەک دەزانن، بەڵام ناتوانین بلیێن که ئەم دوانه دەقیقەن یەک مەعنیان ھەیە. فێرکردن جگه له کارەکانی ماموستا که له ناوی کلاس له حزووری شاگردەکان ئەنجامی دەدات، فەعالیەت و کارەکانی پێش له رۆیشتن به کلاس وەکوو پلان دانان بۆ فێرکردن و فەعالیەتی مەربووت به پلان دانان و جەخت کردنەوەیش له بەر دەگرێت. له بەرامبەردا، دەرس گوتن (teaching) زۆرتر به کار و فەعالیتەتی کلاسی ماموستا که له حزووری قووتابیان و خوێندکاران و ئەغڵەب به شێوەی وتار ئەنجام ە درێت، دەگووترێت. لەم بوارەدا، دیمبو (1994) دەرس گوتن به عینوانی تەواوی ئەو کارانەی که به نیەتی یارمەتیدان به بەدی هاتنی فێرکردن له لایەن ماموستاوه ئەننجام دەدرێت تاریف کردوه. ئودانیل، ریو، و ئسمیت (2007) دەرس گوتنیان بەم شێوه تاریف کردوه: " تەقالادان (له بەینی تاکەکان) بۆ یارمەتیدان به خوێندکاران له به دەست هێنانی زانست، فێربوونی کارامەیی و دەرک کردنی توانایی و نێرگی خویان" (لاپەڕەی5).
له رووی ئەو شتانەوه که باسی کرا، دەتوانین بلێین که دەرس گوتن بەشێک له فێرکردنه، ئەمما تەواوی فێرکردن نیه. هەر وەها دەتوانین بلێین که دەرس گوتن سەر به ماموستایه، ئەمما فێرکردن و ئاموزش دەتوانێت بێ ماموستایش ئەنجام بدرێت. بەم بۆنەوەیه که ئێمه دەستەواژەی فێرکردن له رێگای دوور، فێرکردنی گەیاندنی یان مووکاتبەیی، و فێرکردنی غەیری حزووریمان ھەیە. ئەمما دەرس گووتن له رێگای دوور، دەرس گووتنی گەیاندنی یان مووکاتبەیی، و دەرس گووتنی غەیری حزووری باو نین و باشتر بلێین که دروست نین. گانیه، ویگر، گلاس و کیلێر (2005) له رابیتەی جیاوەزی بەینی دەرس گوتن و فێرکردن گوتوویانه:
بۆچی له فێرکردن باس بکەین نەک له دەرس گوتن؟ بۆ ئەوەی که دەرس گوتن تەنها بەشێک له فێرکردنه. له وشەی دەرس گوتن بەم جۆره دەرک دەکرێت که کەسێک بۆ خوێندکاران سووخەنرانی دەکات یان شتێک نیشان دەدات. بەم حاڵەوه نەقشی ماموستا (teacher) یان راهێن (trainer) زۆرتر له مەیه و شتهایێک وەکوو هەڵبژاردنی کەرەستەی فێرکردن، ئاماده کردنی خوێندکاران بۆ فێربوون، موودیریەتی کات و زەمان له نێوی پۆل، چاودێری به سەر فەعالیتەتی فێرکردن و لە کۆتاییدا نیشان دانی نەخشی ژێدەرێکی ئیتلاعاتی و هاسان کردنی فێرکردن له بەر دەگرێت. سا، وشەی فێرکردن به سەر زۆربەی کار و تێکوشانی ماموستا بۆ ئەوەی که خوێندکار وادار به فێربوون بکات، تەعکید دەکات. ( لاپەڕەی1 وه 4).
عضو شوید
عضویت سریع
آمار مطالب
آمار بازدید
